احـــــــــــــلــــــــــــــم - عامية

احلم..

إنك تطول نجم الفضا جَد ..

ليه تئول ده مستحيل ؟؟

ابني قصور الورد..

ع القمراية ..

امحي ظلام الليل ..

احلم ..

إنك تكون إنتَ ..

اكتب حروف من نور..

اتعب شوية هتوصل ..

وف يوم هيجي الدور ..

احلم ..

انك تكون فوء السحاب..

هيكون..

والشده مهما طالت بتهون..

احلم ..
وامسك الريشة يا فنان..

وقول..

فوق السطور كلام انسان..

صحّي .. سكون الكون

غيّر   ..   سواد اللون

ببياض ضحكة ..

م الناس الطيابة ..

أبوك وأبويا ..

الناس الغلابة ..

احلم ..

وليه لأ.. ما دام الحلم مشروع..

اوعى تموّته جواك ..

اسقيه بروح الأمل ..

أوعاك يموت موجوع ..

احلم ..

طول ما الحياة بتسير ..

تجري في وريدك..
املا ضميرك خير..

احلم ..

والحلم كبير ما تلاقيلو حدود..

احلم ببكرة وفوت..

اصرخ بأعلى الصوت ..

يا دنيا ..يا أهلي .. يا ناس ..

أنا موجوووووووووود ..

أنا موجود..