{ اسطبل عنتر } - عامية

قدرًا شفت حلقة من حلقات برنامج {واحد من الناس } للإعلامي عمرو الليثي وكانت عن منطقة في اعتقادي هي الأفقر في مصر ، كتبت كلمتين عنهم يمكن حد يسمع ...

أنا زعلان يا مصر وشايل هموم

عارفة يعني إيه ستة في أوضة؟!

جربتي تعيشيها يوم..

لما بنت إخوانها خمسة ..

بتقضّي بقيت عشاها نوم..

ده اللقمة حتى لو لقيتها..

بتبقى مغموسة بسموم ..

أنا زعلان يا مصر وعلى مين هلوم ..

عارفة إني اتعذبت فيكي كتير ؟؟

واللي اتكسر إزاي يقوم!!!!!

طب أنا والله في كل أدان ..

بدعي ربي الخير يدوم ..

اصبّر نفسي وبكرة تفرج ..

تاني يوم البيت يعوم ..

أصل (الصرف) دي كلمة غايبة ..

عننا وكمان ( حمــــوم)..

أنا زعلان يا مصر بجد مفروم ..

وصدري ضاق م الرطوبة ..

ونفسي مرة أجيب هدوم..

نفسي مرة في لقمة حلوة ..

بكفياني بدنجان بتوم ..

نفسي أعيش إنسان بقة!!!

بكفياني أعيش محروم ..

بكفياني أعيش محروم ..