فوق ياعمي!
دنتا في أرض الكنانة
الناس مش تعبانة!
مش زهقانة
كله ماشي بالورود
ولا حد قال دي أيام سود
نايم..مالي جوفك
ولا شيء بينكش خوفك
كل مصالحك مقضية,
والحالة مية المية
لا نعرف واسطة
ولا بيه كبير
ولا بنشخلل؟!
بتقول ايه؟؟؟؟؟؟؟
ده كلام خطييييييير
كله قانوني وفي الدور يا بيه
واللي دوره يجي..هنّادي عليه
هوده شعارناقدام البلاد
" لاللظلم..لاللفساد"
ولا فيه رشوة.
.ولا فيه استبداد
كله بيخاف رب ّالعباد!!!
فوق يا عمي
دنتا في أرض الكنانة
والطوفان مش جاي علينا
ولا بيدمر كل شيء حوالينا
والعيب مش فيهم ده فينا
آآآه والله الحق علينا
صابرين،ساكتين
،ورقابنا موطيين
وبحالنا راضيين
بجد بجد اخص علينا
ويعوض ربنا علينا
2009
ليست هناك تعليقات:
إرسال تعليق